વેસ્ટ ઇન્ડિઝ વિરુદ્ધ રમવા જશે ભારતની આ ટિમ!! આ આ ખિલાડીનો થયો સમાવેશ… જાણો
ટીમ ઈન્ડિયાનું આ વર્ષ ખૂબ જ વ્યસ્ત શેડ્યૂલ હશે. 7 જૂનથી 11 જૂન સુધી ઓસ્ટ્રેલિયા સાથે વર્લ્ડ ટેસ્ટ ચેમ્પિયનશિપની ફાઇનલ રમાશે. આ પછી તરત જ અફઘાનિસ્તાન સામે ત્રણ વનડે મેચોની શ્રેણી રમાશે. તે જ સમયે, આ પછી ટીમ ઈન્ડિયા વેસ્ટ ઈન્ડિઝ સાથે 3 વનડે, 3 ટી20 અને 2 ટેસ્ટ રમશે. આ એવી શ્રેણી હશે જ્યારે કેટલાક યુવા પ્રતિભાશાળી ખેલાડીઓ જેમણે IPLમાં પોતાના પ્રદર્શનથી બધાને પ્રભાવિત કર્યા છે તેમને ટીમ ઈન્ડિયા માટે રમવાની તક મળશે. બીસીસીઆઈએ આ શ્રેણી માટે સંજુ સેમસન, તિલક વર્મા સહિતના ખેલાડીઓની પસંદગી કરી છે. આ બંનેને ઈજાગ્રસ્ત ખેલાડીઓ કેએલ રાહુલ અને શ્રેયસ અય્યરના સ્થાને તક આપવામાં આવશે.
ભારત આ વખતે ODI વર્લ્ડ કપની યજમાની કરવા જઈ રહ્યું છે. 2011 પછી 12 વર્ષ બાદ ભારત ક્રિકેટ જગતની સૌથી પ્રતિષ્ઠિત ટૂર્નામેન્ટનું આયોજન કરશે. છેલ્લી વખત એમએસ ધોનીની કપ્તાનીમાં ટીમ ઈન્ડિયા 1983 પછી બીજી વખત વર્લ્ડ ચેમ્પિયન બની હતી જ્યારે તેણે વર્લ્ડ કપ જીત્યો હતો. તેની તૈયારીઓને ધ્યાનમાં રાખીને, BCCI ખેલાડીઓની ફિટનેસ પર ચાંપતી નજર રાખી રહ્યું છે. WTCની ફાઈનલ બાદ ભારતે આયર્લેન્ડ અને વેસ્ટ ઈન્ડિઝ સાથે સિરીઝ રમવાની છે. આવી સ્થિતિમાં, વિરાટ કોહલી, રોહિત શર્મા, મોહમ્મદ શમી, રવિન્દ્ર જાડેજાને આ પ્રવાસોમાં આરામ આપવામાં આવશે જેથી તેઓ સંપૂર્ણ રીતે ફિટ રહે.
IPL 16માં કેટલાક યુવા ખેલાડીઓએ પોતાના પ્રદર્શનથી સૌનું ધ્યાન ખેંચ્યું હતું. યશસ્વી જયસ્વાલ, તિલક વર્મા, ઋતુરાજ ગાયકવાડ, તુષાર દેશપાંડે એ એવા નામ છે જેમણે આ વર્ષે પોતાની ક્ષમતા સાબિત કરી અને ક્રિકેટ જગતમાં મજબૂત પદાર્પણ કર્યું. આ વર્ષે વર્લ્ડ કપની તૈયારી કરવા માટે, BCCI વરિષ્ઠ ખેલાડીઓના વર્કલોડને મેનેજ કરવા તેમજ યુવા ખેલાડીઓની ટીમને મેદાનમાં ઉતારવા માટે વિચારી રહી છે.
આવી સ્થિતિમાં જ્યારે ટીમ ઈન્ડિયા WTC ફાઈનલ બાદ આયર્લેન્ડ અને વેસ્ટ ઈન્ડિઝનો પ્રવાસ કરશે ત્યારે આ યુવા ખેલાડીઓ ટીમ ઈન્ડિયાનું પ્રતિનિધિત્વ કરતા જોવા મળશે. સંજુ સેમસનનું નામ ટોપ પર છે. સંજુ સેમસને તાજેતરના વર્ષોમાં ટીમ ઈન્ડિયા માટે સારું પ્રદર્શન કર્યું છે. ઈજાગ્રસ્ત ખેલાડી કેએલ રાહુલની જગ્યાએ સંજુને ટીમમાં સામેલ કરવામાં આવશે.
વેસ્ટ ઈન્ડિઝ પ્રવાસ માટે ભારતની ટીમ:યશસ્વી જયસ્વાલ, શબમન ગિલ, ઋતુરાજ ગાયકવાડ, તિલક વર્મા, સૂર્યકુમાર યાદવ, ઈશાન કિશન, સંજુ સેમસન (wk), હાર્દિક પંડ્યા (c), અક્ષર પટેલ, તુષાર દેશપાંડે, શાર્દુલ ઠાકુર, કુલદીપ યાદવ, ઉમરાન મલિક, અર્શદીપ સિંહ, યુઝવેન્દ્ર ચૌહાલ.
