ભારત પાસે ટેલેન્ટ ની કમી નથી ! 16 વર્ષ ના ખેવાડી એ 407 રન ઠોકી દીધા જેમા 48 ચોક્કા અને….
16 વર્ષની ઉંમરે, સચિન તેંડુલકરે ભારતીય ક્રિકેટ ટીમ માટે પદાર્પણ કર્યું હતું અને પ્રથમ કેટલીક ઇનિંગ્સ પછી જ સાબિત કરી દીધું હતું કે તે લાંબી રેસનો ઘોડો સાબિત થશે. બરાબર એવું જ થયું. તેમની આંતરરાષ્ટ્રીય કારકિર્દી બે દાયકાથી વધુ લાંબી છે. હવે આવો જ વધુ એક બેટ્સમેન સામે આવ્યો છે, જેણે સચિન જેટલી જ ઉંમરમાં એક મોટું કારનામું કર્યું છે. પરંતુ, તેણે આંતર જિલ્લા ક્રિકેટ ટુર્નામેન્ટમાં આ કર્યું છે. આ ક્રિકેટરનું નામ છે તન્મય મંજુનાથ. 16 વર્ષીય તન્યમે 50 ઓવરની મેચમાં એકલા હાથે 407 રન બનાવ્યા છે. આ માટે તેણે માત્ર 165 બોલ રમ્યા હતા.
મીડિયા રિપોર્ટ્સ અનુસાર, શિમોગાના રહેવાસી તન્મયે કર્ણાટક સ્ટેટ ક્રિકેટ એસોસિએશન હેઠળ રમાતી ક્લબ ક્રિકેટ મેચમાં આ કારનામું કર્યું છે. મેચ સાગર ક્રિકેટ ક્લબ અને ભદ્રાવતી NTTC ક્લબ વચ્ચે હતી. તન્મયે સાગર ક્રિકેટ ક્લબ તરફથી રમતા 50 ઓવરની મેચમાં 407 રનની ઇનિંગ રમી હતી. તેણે પોતાની ઇનિંગમાં 48 ચોગ્ગા ફટકાર્યા હતા જ્યારે તેના બેટમાંથી 24 છગ્ગા નીકળ્યા હતા. જેણે પણ તેની ઈનિંગ્સ જોઈ તે દંગ રહી ગઈ.
તન્મયે 407 માંથી 336 રન માત્ર ચોગ્ગા અને છગ્ગાની મદદથી ફટકાર્યા હતા. તન્મયની આ ઇનિંગના કારણે તેની ટીમ સાગર ક્લબે 50 ઓવરની મેચમાં 583 રન બનાવ્યા હતા.