બાંગ્લાદેશ સામેની હાર પછી bcci આવી એક્શનમાં! આ ખિલાડીઓની જગ્યાએ.. જાણો શું કદમ ઉઠાવ્યા

ભારતીય ક્રિકેટ ટીમ T20 વર્લ્ડ કપ-2022 બાદ બાંગ્લાદેશ સામે વનડે શ્રેણી હારી ગઈ હતી. આ હાર બાદ કેટલાક ખેલાડીઓના પ્રદર્શનની પણ ચર્ચા થઈ રહી છે. ભારતીય ક્રિકેટ કંટ્રોલ બોર્ડ (BCCI) પણ નીચલા ક્રમાંકની ટીમ બાંગ્લાદેશના હાથે હારને લઈને ‘અત્યંત ચિંતિત’ છે. હવે બોર્ડ આકરા નિર્ણયો લેવાની તૈયારી કરી રહ્યું છે. આ અંગે સમીક્ષા બેઠક પણ બોલાવવામાં આવી છે. બાંગ્લાદેશ પ્રવાસને કારણે બેઠક સ્થગિત કરવામાં આવી હતી.

બાંગ્લાદેશે ભારત સામેની 3 મેચની વનડે શ્રેણીમાં 2-0ની અજેય સરસાઈ મેળવી લીધી છે. હવે BCCI શ્રેણી પૂરી થયા બાદ સમીક્ષા બેઠક બોલાવશે. આ બેઠક ટી-20 વર્લ્ડ કપ-2022 પછી યોજાવાની હતી પરંતુ તેને મોકૂફ રાખવામાં આવી હતી. ઈનસાઈડસ્પોર્ટના એક અહેવાલ મુજબ, બોર્ડે બાંગ્લાદેશ શ્રેણી પૂર્ણ થયા બાદ જ એક ‘રિવ્યુ મીટિંગ’ બોલાવી છે. ટીમ બાંગ્લાદેશ પ્રવાસથી પરત ફર્યા બાદ BCCIના અધિકારીઓ હવે કોચ રાહુલ દ્રવિડ, NCA ચીફ વીવીએસ લક્ષ્મણ, કેપ્ટન રોહિત શર્મા અને ભૂતપૂર્વ કેપ્ટન વિરાટ કોહલીને મળશે.

બીસીસીઆઈના એક ટોચના અધિકારીએ કહ્યું, ‘આ હારને પચાવવી ખરેખર મુશ્કેલ છે. આ ખરેખર માની શકાય તેમ નથી. અમે બાંગ્લાદેશ સામેની શ્રેણી પછી તરત જ બાકી સમીક્ષા બેઠક યોજીશું. વસ્તુઓને પાટા પર લાવવા માટે કેટલાક કડક પગલાં લેવા પડશે. તમને જણાવી દઈએ કે T20 વર્લ્ડ કપ-2022ની સેમીફાઈનલમાં ભારતને હારનો સામનો કરવો પડ્યો હતો. ત્યારપછી તેને ઈંગ્લેન્ડે હરાવ્યું અને ફાઇનલમાં આ ટીમે પાકિસ્તાનને હરાવીને ચેમ્પિયન બનવાનું ગૌરવ મેળવ્યું. ઢાકામાં ભારતીય ટીમ ફ્લોપ રહી હતી.

ઢાકાના શેરે બાંગ્લા ક્રિકેટ સ્ટેડિયમમાં ભારતીય ટીમ સંપૂર્ણ રીતે ફ્લોપ સાબિત થઈ હતી. ટીમ ઈન્ડિયા આ મેદાન પર શ્રેણીની બંને મેચ હારી ગઈ હતી. ખાસ વાત એ છે કે બંને મેચમાં ટીમની બેટિંગે ઘણી નિરાશ કરી હતી. બાંગ્લાદેશે મેહદી હસન મિરાજની અણનમ સદીની મદદથી બીજી વનડેમાં 7 વિકેટે 271 રન બનાવ્યા હતા. મહમુદુલ્લાહે 96 બોલમાં 7 ચોગ્ગાની મદદથી 77 રન બનાવ્યા અને મેહદી હસન સાથે 7મી વિકેટ માટે 148 રન જોડ્યા. ભારતીય ટીમે 9 વિકેટે 266 રન બનાવ્યા હતા. ટીમ ઈન્ડિયા તરફથી શ્રેયસ અય્યરે 82, અક્ષર પટેલે 56 અને રોહિતે અણનમ 51 રન બનાવ્યા હતા.