શા માટે શામી ને ટીમ થી બહાર કરવામા આવ્યો??? કેપ્ટન રોહિત શર્મા જણાવ્યુ ચોંકાવનારુ કારણ…
બોર્ડર-ગાવસ્કર ટ્રોફીની ત્રીજી ટેસ્ટ મેચ અત્યાર સુધી ઘણી રોમાંચક રહી છે. ભારતીય ટીમ પ્રથમ દાવમાં ઓસ્ટ્રેલિયન સ્પિનરો સામે ફ્લોપ દેખાઈ રહી છે. ભારતીય ટીમે છેલ્લી બે ટેસ્ટ મેચમાં શાનદાર જીત નોંધાવી હતી. જો કે, તેમ છતાં માનવામાં આવી રહ્યું હતું કે ટીમ ઈન્ડિયા આ મેચમાં કેટલાક મોટા ફેરફાર કરી શકે છે.
ત્રીજી ટેસ્ટ મેચ માટે ભારતીય ટીમમાં બે મોટા ફેરફાર કરવામાં આવ્યા છે. કેએલ રાહુલના સ્થાને ટીમમાં શુભમન ગિલ જ્યારે મોહમ્મદ શમીના સ્થાને ઉમેશ યાદવને તક આપવામાં આવી છે. દરમિયાન, મેચ પહેલા રોહિત શર્માએ એ પણ ખુલાસો કર્યો કે તેણે મોહમ્મદ શમીને શા માટે મેચમાંથી બહાર કર્યો.
ભારતીય ખેલાડી મોહમ્મદ શમીએ ઓસ્ટ્રેલિયા સામેની છેલ્લી બે ટેસ્ટ મેચમાં શાનદાર પ્રદર્શન કર્યું હતું. પરંતુ આજે ત્રીજી ટેસ્ટ મેચમાં મેનેજમેન્ટે મોહમ્મદ શમીની જગ્યાએ ઉમેશ યાદવ પર વિશ્વાસ દર્શાવ્યો છે. ટોસ જીત્યા પછી, જ્યારે રોહિત શર્મા પ્લેઇંગ 11ની જાહેરાત કરી રહ્યો હતો, ત્યારે તેણે કહ્યું, ‘અમે હજુ સુધી વર્લ્ડ ટેસ્ટ ચેમ્પિયનશિપની ફાઇનલમાં પહોંચ્યા નથી.’
રોહિતે વધુમાં કહ્યું, ‘અમારે કોઈપણ કિંમતે આ મેચ જીતવી પડશે. અમે પાછલી બે ટેસ્ટમાં જે કર્યું છે તે જ બાબતોનું પુનરાવર્તન કરીશું. અમે બે ફેરફાર કર્યા છે, કેએલ રાહુલની જગ્યાએ શુભમન ગિલ દેખાશે જ્યારે અમે શમીને આરામ આપ્યો છે.ત્રીજી ટેસ્ટમાં મોહમ્મદ શમીની જગ્યાએ ઉમેશ યાદવ જોવા મળી રહ્યો છે. ભારતમાં ઉમેશ યાદવનો રેકોર્ડ શાનદાર છે, અત્યાર સુધી ઉમેશે 25.16ની એવરેજથી 98 વિકેટ ઝડપી છે.
ભારતીય ટીમની હાલત ખરાબ છે. બીજી તરફ જો ભારત અને ઓસ્ટ્રેલિયા વચ્ચે રમાઈ રહેલી મેચની વાત કરીએ તો પહેલા દિવસે અત્યાર સુધી ઓસ્ટ્રેલિયાના સ્પિનરોનો દબદબો રહ્યો છે. ટીમ ઈન્ડિયાના ટોપ ઓર્ડરથી લઈને મિડલ ઓર્ડર સુધી ટીમ ઈન્ડિયાના તમામ બેટ્સમેન ઓસ્ટ્રેલિયાની સ્પિન બોલિંગ સામે નિષ્ફળ જતા જોવા મળ્યા હતા. મેથ્યુ કુહ્નમેને પોતાની શાનદાર બોલિંગ વડે રોહિત શર્મા (12 રન), શુભમન ગિલ (21 રન), શ્રેયસ અય્યર (0), રવિચંદ્રન અશ્વિન (3 રન) અને ઉમેશ યાદવ (17 રન)ને આઉટ કરીને 5 વિકેટ પૂરી કરી. ભારત પ્રથમ દાવમાં માત્ર 109 રનમાં ઓલઆઉટ થઈ ગયું હતું.
