વિરાટ કોહલીની સુરક્ષામાં થયો વધારો! કેમ આટલી સુરક્ષા રાખવામાં આવી રહી છે… પુરી વાત જાણી તમને આંચકો લાગશે
ઈન્ડિયન પ્રીમિયર લીગ (IPL)ની 16મી સીઝનમાં રોયલ ચેલેન્જર્સ બેંગ્લોર (RCB) ટીમના ખેલાડીઓની સુરક્ષામાં મોટી ભૂલ સામે આવી છે. પોલીસે ચંદીગઢની હોટલમાંથી 3 કુખ્યાત હિસ્ટરી-શીટર્સની ધરપકડ કરી હતી જ્યાં RCB ટીમના ખેલાડીઓ, જેઓ પંજાબ કિંગ્સ (PBKS) સામે રમવા માટે મોહાલી પહોંચ્યા હતા. આ ત્રણેય વિરુદ્ધ હત્યા સહિત અનેક ગંભીર કલમોમાં કેસ નોંધવામાં આવ્યો છે. 20 એપ્રિલે પંજાબ કિંગ્સ અને રોયલ ચેલેન્જર્સ બેંગ્લોર વચ્ચે મોહાલીના IS બિન્દ્રા સ્ટેડિયમમાં મેચ રમાઈ હતી. દૈનિક ભાસ્કરના સમાચાર મુજબ, જ્યારે પોલીસે ધરપકડ કરાયેલ હિસ્ટ્રીશીટરની પૂછપરછ કરી તો તેઓએ જણાવ્યું કે તેઓ ખેલાડીઓ સાથે ફોટો પડાવવા માંગે છે. આઈટી પાર્ક પોલીસ સ્ટેશનના એસએચઓ રોહતાશ યાદવ હવે સટ્ટાબાજીના એંગલથી પણ મામલાની તપાસ કરી રહ્યા છે.
આ કેસમાં પોલીસે જે ત્રણ ગુનેગારોની ધરપકડ કરી છે તેમની સામે ફાયરિંગ સહિતના અનેક ગંભીર કેસ નોંધાયેલા છે. હોટલમાં રોકાયેલા ગેસ્ટ લિસ્ટની ચકાસણી કર્યા બાદ પોલીસને આ ત્રણેય વિશે માહિતી મળી હતી, જે બાદ આઈટી પાર્ક પોલીસે અટકાયતી કાર્યવાહી તરીકે ત્રણેયની ધરપકડ કરી હતી.
આરસીબીની ટીમને હોટલના પાંચમા માળે રાખવામાં આવી હતી. વિરાટ કોહલીની રોયલ ચેલેન્જર્સ બેંગ્લોર ટીમના ખેલાડીઓને ચંદીગઢની આ હોટલના 5માં માળે રાખવામાં આવ્યા હતા. આ ત્રણની ધરપકડ કર્યા બાદ પોલીસે આખી હોટલમાં સર્ચ ઓપરેશન પણ હાથ ધર્યું હતું, જેમાં ગુનેગારો પાસેથી એક કાર પણ મળી આવી હતી. જો કે, તેમની હોટલના રૂમમાંથી કંઈ જ મળ્યું ન હતું. હિસ્ટ્રીશીટરોએ હોટલના ત્રીજા માળે પોતાનો રૂમ બુક કરાવ્યો હતો, જ્યાંથી પોલીસે તેમની ધરપકડ કરી હતી.