કિંગ કોહલી તો બાકી કિંગ કોહલી!!! છેલ્લી મેચ રમી રહેલ એલગર આઉટ થતા કર્યું એવુ કે વિડીયો જોઈ તમે “વાહ વાહ..
દક્ષિણ આફ્રિકા સામે કેપટાઉનમાં રમાઈ રહેલી બીજી ટેસ્ટ મેચના પહેલા દિવસે વિરાટ કોહલીએ મેદાન પર પ્રભુત્વ જમાવ્યું હતું. ફિલ્ડિંગથી લઈને બેટિંગ સુધી પૂર્વ ભારતીય કેપ્ટનની ચમક જોવા મળી હતી. આફ્રિકન ટીમને દિવસમાં બે વખત બેટિંગ કરવી પડી હતી. આફ્રિકન ટીમ જ્યારે બેટિંગ કરી રહી હતી ત્યારે કોહલીએ બંને દાવમાં ફિલ્ડિંગ પર પ્રભુત્વ જમાવ્યું હતું. વિરાટે બીજી ઈનિંગમાં ફરી એકવાર પોતાની રમતની ભાવનાથી દર્શકોનું દિલ જીતી લીધું.
વાસ્તવમાં જ્યારે સાઉથ આફ્રિકાનો કેપ્ટન ડીન એલ્ગર બીજી ઈનિંગમાં આઉટ થઈને પેવેલિયન પરત ફરી રહ્યો હતો ત્યારે કોહલી તેની પાસે ગયો અને તેને ગળે લગાવ્યો. એલ્ગરની કારકિર્દીની આ છેલ્લી ઈનિંગ હતી. મુકેશ કુમારે તેને વિરાટના હાથે કેચ કરાવ્યો હતો. એલ્ગરે તેની કારકિર્દીની છેલ્લી ઇનિંગ્સમાં 12 રન બનાવ્યા હતા. કોહલીએ પ્રેક્ષકોને ઉભા થવા અને એલ્ગર માટે તાળીઓ પાડવાનો ઈશારો કર્યો. મુકેશ વિકેટ લીધા બાદ જશ્ન મનાવી રહ્યો હતો, પરંતુ વિરાટે એલ્ગરને પરફેક્ટ વિદાય મળે તેની ખાતરી કરી હતી.
#MukeshKumar‘s nibbler gets #DeanElgar on his final test!
Will #TeamIndia keep racking up wickets before the day’s play?
Tune in to #SAvIND 2nd Test
LIVE NOW | Star Sports Network#Cricket pic.twitter.com/qftk1SpI8D— Star Sports (@StarSportsIndia) January 3, 2024
દક્ષિણ આફ્રિકાના કેશવ મહારાજ જ્યારે પ્રથમ દાવમાં બેટિંગ કરવા ઉતર્યા ત્યારે સ્ટેડિયમમાં હાજર ડીજેએ ફિલ્મ આદિપુરુષનું ગીત ‘રામ સિયા રામ’ વગાડ્યું હતું. આ વાતથી કોહલી ખુશ થઈ ગયો. તેણે હાથ જોડીને ભગવાન શ્રી રામની જેમ ધનુષ્યનો ઉપયોગ કરવાનો ઈશારો કર્યો. આ જોઈને સ્ટેડિયમમાં બેઠેલા ચાહકો ખુશ થઈ ગયા. કોહલીની આ સ્ટાઈલ લોકોને ખૂબ પસંદ આવી અને તેનો વીડિયો સોશિયલ મીડિયા પર વાયરલ થયો.
કોહલીએ સિરાજને પણ મદદ કરી હતી જેણે છ વિકેટ લીધી હતી. પ્રથમ દાવમાં, બોલ ફેંકતા પહેલા, કોહલીએ સિરાજ તરફ ઈશારો કર્યો અને તેને આઉટ સ્વિંગર ફેંકવા કહ્યું. સિરાજે પૂર્વ કેપ્ટનની વાત માની અને આઉટ સ્વિંગર બોલ કર્યો. આ જ બોલ પર તેને વિકેટ મળી હતી. લોકેશ રાહુલને કેચ આપીને બેટ્સમેન માર્કો જેનસેન પેવેલિયન છોડી ગયો હતો.
દક્ષિણ આફ્રિકાના સુકાની ડીન એલ્ગરે ટોસ જીતીને બેટિંગ કરવાનો નિર્ણય કર્યો અને દક્ષિણ આફ્રિકાએ પ્રથમ દાવમાં 55 રન બનાવ્યા. જવાબમાં ભારતે 153 રન બનાવ્યા હતા અને 98 રનની લીડ મેળવી હતી. પ્રથમ દિવસની રમતના અંતે દક્ષિણ આફ્રિકાનો સ્કોર 62/3 છે. પ્રથમ દાવના આધારે ભારત પાસે 36 રનની લીડ છે. સેન્ચુરિયનમાં પ્રથમ ટેસ્ટ જીતીને દક્ષિણ આફ્રિકા શ્રેણીમાં 1-0થી આગળ છે. ટીમ ઈન્ડિયા બીજી ટેસ્ટ જીતીને શ્રેણી ડ્રો પર સમાપ્ત કરવા ઈચ્છે છે.
