પંડ્યા ની કેપ્ટનશીપ મા આ ઘાતક બોલર ની ટીમ મા વાપસી થશે ! હવે ન્યૂઝીલેન્ડ સામે…
ટીમ ઈન્ડિયા 18 નવેમ્બરથી ન્યુઝીલેન્ડ સામે 3 મેચની T20 સીરીઝ રમશે. આ શ્રેણીમાં ટીમ ઈન્ડિયાની કમાન હાર્દિક પંડ્યાના હાથમાં રહેશે. ટીમ ઈન્ડિયાના યુવા ફાસ્ટ બોલર માટે પણ આ સિરીઝ ઘણી મહત્વની બની રહી છે. આ ખેલાડીએ પોતાની ડેબ્યુ મેચ હાર્દિક પંડ્યાની કેપ્ટન્સીમાં રમી હતી, પરંતુ થોડી મેચો બાદ આ ખેલાડીને ટીમમાંથી બહાર કરી દેવામાં આવ્યો હતો.
ન્યુઝીલેન્ડ સામે રમાયેલી આ શ્રેણીમાં યુવા ઝડપી બોલર ઉમરાન મલિક પોતાની જગ્યા બનાવવામાં સફળ રહ્યો છે. કાશ્મીરનો રહેવાસી ઉમરાન મલિક 150 KMPHની સતત ઝડપે બોલિંગ કરી શકે છે. તે IPL 2022 થી હેડલાઇન્સમાં હતો, પરંતુ તે થોડા સમય માટે ટીમ ઇન્ડિયામાં જગ્યા બનાવી શક્યો ન હતો. જો કે આ વખતે તેણે T20ની સાથે સાથે ODI ટીમમાં પણ પોતાની જગ્યા બનાવી લીધી છે.
ઉમરાન મલિકે આ વર્ષે આયર્લેન્ડ સામે ડેબ્યૂ મેચ રમી હતી. આ શ્રેણીમાં ટીમ ઈન્ડિયાની કમાન હાર્દિક પંડ્યાએ સંભાળી હતી. ઉમરાન મલિક આંતરરાષ્ટ્રીય ક્રિકેટમાં IPL 2022 ના શાનદાર પ્રદર્શનનું પુનરાવર્તન કરી શક્યો નહીં અને તેને 3 મેચ રમ્યા બાદ જ ટીમ ઈન્ડિયામાંથી બહાર કરી દેવામાં આવ્યો. ઉમરાન મલિક હવે ફરી એકવાર ટીમમાં પોતાનું સ્થાન નિશ્ચિત કરવા માટે તૈયાર છે.
ઉમરાન મલિકે ટીમ ઈન્ડિયા માટે અત્યાર સુધી 3 T20 મેચ રમી છે, જેમાં તેણે 12.44ની ઈકોનોમી સાથે રન આપ્યા છે અને માત્ર 2 વિકેટ લીધી છે. તેનું ખરાબ પ્રદર્શન જોઈને તેને ટીમમાંથી બહાર કરી દેવામાં આવ્યો હતો. તેને ઈંગ્લેન્ડ સામે રમાયેલી ટી20 શ્રેણીની ત્રીજી ટી20 મેચમાં પણ તક આપવામાં આવી હતી. અને IPL 2022માં ઉમરાન મલિકે 14 મેચમાં 22 વિકેટ લીધી હતી.