ઉમરાન એક્સપ્રરસે કીવી બેટ્સમેનને બોલ ન દેખાવા દીધા! 153 કિમિની ઝડપે.. જુઓ વિડીયો
જમ્મુ અને કાશ્મીરના યુવા ઝડપી બોલર ઉમરાન મલિકે ઓકલેન્ડમાં ભારત અને ન્યુઝીલેન્ડ વચ્ચેની પ્રથમ વનડેમાં ટીમ ઈન્ડિયા માટે ડેબ્યુ કર્યું હતું. T20 ઇન્ટરનેશનલ ક્રિકેટમાં ત્રણ મેચ રમી ચૂકેલા ઉમરાન મલિક માટે આ વખતે 50 ઓવરના ફોર્મેટમાં પોતાની છાપ છોડવાનો વારો હતો. તે IPLમાં તેની ગતિને કારણે ચર્ચામાં આવ્યો હતો અને તેની ગતિ ઓકલેન્ડમાં ન્યૂઝીલેન્ડ સામે પણ સામે આવી હતી.
ઉમરાન મલિક અને અર્શદીપ સિંહને પ્રથમ વનડેમાં ડેબ્યૂ કરવાની તક આપવામાં આવી હતી. ઉમરાન ટી20 સિરીઝમાં પણ ટીમનો ભાગ હતો પરંતુ તેને રમવાની તક મળી ન હતી. આ વખતે વન-ડેમાં, તેને દીપક ચહર કરતાં પસંદ કરવામાં આવ્યો હતો અને તેને ઓકલેન્ડ વનડેમાં રમવા માટે મેદાનમાં ઉતારવામાં આવ્યો હતો. આ 23 વર્ષીય બોલરે પણ પ્રશંસકોને નિરાશ કર્યા ન હતા અને કિવી બેટ્સમેનોને તેની ઝડપથી ભયંકર રીતે પરેશાન કર્યા હતા.
Umran Malik The Jammu Express in his 1st ODIs 153.1kmph 🔥 What a Moment #UmranMalik #NZvsINDpic.twitter.com/9OCSTmh3EK
— ɅMɅN DUВΞY (@imAmanDubey) November 25, 2022
જમ્મુ અને કાશ્મીરના 23 વર્ષીય ફાસ્ટ બોલરે તેની પ્રથમ બે ઓવરમાં ઘણા પેસ બોલ ફેંક્યા હતા. તેણે આ બે ઓવરમાં 143 કિમી પ્રતિ કલાકથી લઈને 150 કિમી પ્રતિ કલાકની ઝડપે બોલ ફેંક્યા, જોકે આ બે ઓવરમાં તેને સફળતા મળી ન હતી. પરંતુ તેને ત્રીજી ઓવરમાં પ્રથમ સફળતા મળી જ્યારે તેણે ડેવોન કોનવેને વિકેટકીપર પંતના હાથે કેચ આઉટ કરાવ્યો. આ બોલની ઝડપ 153.1 કિલોમીટર પ્રતિ કલાક હતી. આ મેચનો સૌથી ઝડપી બોલ સાબિત થયો.