બે દિવસમાં બે રોમાંચિત મેચો! LSG-RCB ની મેચમાં જોવા મળ્યા હતા આ રોમાંચિત પળો, હિટવિકેટ થી લઈને… જુઓ
લખનૌ સુપર જાયન્ટ્સે રોમાંચક મેચમાં RCBને એક વિકેટથી હરાવ્યું. મેચના છેલ્લા બોલ પર લખનૌને જીતવા માટે એક રન બનાવવાનો હતો, આવી સ્થિતિમાં અવેશ ખાને બાય ફટકારીને પોતાની ટીમને મેચ જીતાડ્યો હતો. વિકેટકીપર દિનેશ કાર્તિક છેલ્લા બોલ પર ફિલ્ડિંગ ચૂકી ગયો હતો, જે RCBને મોંઘુ પડ્યું હતું.
ઈન્ડિયન પ્રીમિયર લીગ (આઈપીએલ) માં, સોમવારે (10 એપ્રિલ) રોયલ ચેલેન્જર્સ બેંગ્લોર અને લખનૌ સુપર જાયન્ટ્સ વચ્ચે એક મેચ રમાઈ હતી, જેને ચાહકો લાંબા સમય સુધી ભૂલી શકશે નહીં. એમ ચિન્નાસ્વામી સ્ટેડિયમમાં રમાયેલી આ મેચમાં લખનૌ સુપર જાયન્ટ્સની ટીમે છેલ્લા બોલ પર એક વિકેટથી મેચ જીતી લીધી હતી. આ જીતના કારણે લખનૌની ટીમ હવે ટેબલમાં નંબર વન પર આવી ગઈ છે.
લખનૌને બે ઓવરમાં 15 રન બનાવવાના હતા. મેચની છેલ્લી બે ઓવરમાં લખનૌ સુપર જાયન્ટ્સને જીતવા માટે 15 રન બનાવવાના હતા અને તેની ચાર વિકેટ હાથમાં હતી. વેઇન પાર્નેલ ઇનિંગની 19મી ઓવર ફેંકી હતી, જેમાં પ્રથમ બે બોલ વાઇડ હતા. આ પછી, ઓવરના બે કાનૂની બોલ પર એક રન થયો, જ્યારે ત્રીજા બોલ પર આયુષ બદોનીએ ચોગ્ગો ફટકાર્યો. પછીના બોલ પર, બદોનીએ સિક્સર ફટકારી, પરંતુ તે જ સમયે તેણે તેનું બેટ સ્ટમ્પ પર વાગ્યું અને તેની વિકેટ પડી. ઓવરના છેલ્લા બે બોલ પર એક-એક રન આવ્યો.
