આ ક્રિકેટરના નામે છે વિશ્વનો એવો રેકોર્ડ જે કોઈ ક્રિકેટર નહીં તોડી શકે! એક જ ઓવરમાં 77 રન..કેવી રીતે?

ભારતીય બેટ્સમેન રૂતુરાજ ગાયકવાડે ફર્સ્ટ ક્લાસ ક્રિકેટમાં ઈતિહાસ રચ્યો છે. રુતુરાજ ગાયકવાડે વિજય હજારે ટ્રોફીમાં યુપી સામે એક ઓવરમાં સાત સિક્સર ફટકારી હતી. તેણે શિવા સિંહની ઓવરમાં કુલ 43 રન બનાવ્યા જેમાં ફ્રી હિટ બોલ પર સિક્સરનો સમાવેશ થાય છે. ફર્સ્ટ ક્લાસ ક્રિકેટમાં આવું કરનાર તે પ્રથમ બેટ્સમેન છે, જો કે એક ઓવરમાં સૌથી વધુ સિક્સ મારવાનો રેકોર્ડ ન્યૂઝીલેન્ડના લી જર્મોનના નામે છે. લી જર્મોને એક ઓવરમાં આઠ સિક્સર ફટકારી હતી.

લિસ્ટ A ક્રિકેટમાં 1990માં વેલિંગ્ટનમાં શેલ ટ્રોફીની મેચમાં ન્યૂઝીલેન્ડના લી જર્મોને આઠ છગ્ગા ફટકાર્યા હતા. તે મેચમાં ન્યૂઝીલેન્ડ માટે ચાર ટેસ્ટ રમી ચૂકેલા પૂર્વ ક્રિકેટર બર્ટ વેન્સે એક ઓવરમાં કુલ 77 રન બનાવ્યા હતા, બર્ટ વાન્સે કુલ 22 બોલ ફેંક્યા હતા અને લી જર્મોને તે ઓવરમાં જ 70 રન ફટકાર્યા હતા. 01 ઓવરના 22 બોલમાં 77 રન બનાવ્યા.

ક્રિકેટ ઈતિહાસની સૌથી મોંઘી ઓવર : બર્ટ વેન્સની આ ઓવર ક્રિકેટ ઈતિહાસની સૌથી મોંઘી ઓવર છે. મેચની પ્રથમ ઓવરમાં, વાન્સે સળંગ નો-બોલ ફેંક્યો હતો અને પ્રથમ 17 બોલમાં માત્ર એક જ કાનૂની ડિલિવરી હતી, જે દરમિયાન લી જર્મોને પણ સતત 5 છગ્ગા ફટકારીને તેના 100 રન પૂરા કર્યા હતા. તેણે આ ઓવરમાં કુલ 8 સિક્સર અને 5 ફોર ફટકારી હતી.