LSG અને BCCI ના ટેંશનમાં વધારો!! કે.એલ. રાહુલને લઈને આવી આ દુઃખદ ખબર…શું ઇન્જર્ડ થયો? જાણો પુરી વાત…
રોયલ ચેલેન્જર્સ બેંગ્લોર સામેના મેદાન પર હાઈ વોલ્ટેજ ડ્રામા પછી, લખનૌ સુપર જાયન્ટ્સે આજે તેની આગામી મેચમાં ચેન્નાઈ સુપર કિંગ્સ સામે ટક્કર લેવાની છે. આ મેચ પહેલા લખનૌ માટે એક ખરાબ સમાચાર આવ્યા છે. નિયમિત કેપ્ટન કેએલ રાહુલની ઈજા ઘણી ગંભીર છે. તે CSK સામેની મેચ દરમિયાન ઉપલબ્ધ રહેશે નહીં. રાહુલની જગ્યાએ આ જવાબદારી કૃણાલ પંડ્યાના ખભા પર રહેશે. KLની ઈજા બાદ RCB સામેની બાકીની મેચમાં કૃણાલે કેપ્ટનશીપ કરી હતી.
બુધવારે બપોરે 3.30 વાગ્યાથી લખનૌના અટલ બિહારી વાજપેયી સ્ટેડિયમમાં રમાનારી મેચ દરમિયાન કૃણાલ લખનૌ સુપર જાયન્ટ્સનું નેતૃત્વ કરશે. ક્રિકબઝ વેબસાઈટના રિપોર્ટ અનુસાર કેએલ રાહુલની ઈજા ઘણી ગંભીર છે. જેને જોતા બીસીસીઆઈએ સારવારની જવાબદારી લીધી છે. આગામી વર્લ્ડ ટેસ્ટ ચેમ્પિયનશિપ માટે જાહેર કરાયેલી ટીમનો રાહુલ મહત્વનો ભાગ છે. આવી સ્થિતિમાં ભારતની મુશ્કેલીઓ વધી ગઈ છે.
રિપોર્ટમાં કહેવામાં આવ્યું છે કે કેએલ રાહુલ સેન્ટ્રલ કોન્ટ્રાક્ટ પ્લેયર છે. આ જોતાં તેની સારવારની જવાબદારી નેશનલ ક્રિકેટ એકેડમીની છે. વિશ્વ ટેસ્ટ ચેમ્પિયનશિપની ફાઈનલ માટે જાહેર કરાયેલી ભારતીય ટીમમાં કેએલ રાહુલને પણ વૈકલ્પિક વિકેટકીપર તરીકે સ્થાન આપવામાં આવ્યું છે. આ જોઈને બીસીસીઆઈએ તરત જ તેની ઈજાને પોતાના હાથમાં લઈ લીધી છે. NCAની સલાહ વિના હવે KL રાહુલ IPLમાં કોઈ મેચ રમી શકશે નહીં.
જણાવી દઈએ કે વર્લ્ડ ટેસ્ટ ચેમ્પિયનશિપની ફાઇનલમાં ભારત માત્ર એક વિકેટકીપર સાથે ઉતરી રહ્યું છે. એવું માનવામાં આવે છે કે કેએસ ભરતની ઈજાની સ્થિતિમાં કેએલ રાહુલને આ જવાબદારી સોંપવાની યોજના હતી. જો હવે KL ટેસ્ટ ચેમ્પિયનશિપની ફાઈનલમાંથી બહાર થઈ જશે તો ચોક્કસપણે તેના વિકલ્પ તરીકે વિકેટકીપર બેટ્સમેનને પસંદ કરવામાં આવશે.
