ઇન્ટરનેશનલ ક્રિકેટમાં સન્યાસ લીધા બાદ શું સન્યાસ માંથી પરત ફરશે એમ.એસ. ધોની? વર્લ્ડકપ 2023 રમશે?? જાણો શું છે ખબર..

વર્લ્ડ કપ 2023ની યજમાની ભારતના ખભા પર છે. આ વર્ષે વર્લ્ડ કપની મેચો ભારતના અલગ-અલગ શહેરોમાં આયોજિત કરવામાં આવશે. પરંતુ બીજી તરફ BCCI ભારતીય ટીમને લઈને ચિંતિત છે. વાસ્તવમાં, ઋષભ પંતની ઈજા બાદથી ભારતીય ટીમને અત્યાર સુધી સારો વિકેટ કીપર બેટ્સમેન મળી શક્યો નથી અને બીજી તરફ કેએલ રાહુલ પણ આઈપીએલ મેચ દરમિયાન ઈજાગ્રસ્ત થયો હતો.

બીજી તરફ કેએસ ભરત અને ઈશાન કિશન જેવા ખેલાડીઓ પાસે અનુભવનો અભાવ છે. આવી સ્થિતિમાં, BCCI વર્લ્ડ કપમાં ભારતીય ટીમમાં વિકેટકીપરને લઈને ખૂબ જ ચિંતિત દેખાઈ રહ્યું છે. જો કે આ વિષય પર ઘણા લોકો માને છે કે ધોનીએ વર્લ્ડ કપ માટે ફરીથી ટીમમાં વાપસી કરવી જોઈએ.

એમએસ ધોનીએ તેની કેપ્ટનશિપ દરમિયાન ભારતને વર્લ્ડ કપ 2011નો ખિતાબ અપાવ્યો હતો. જોકે ધોનીએ ઈન્ટરનેશનલ ક્રિકેટમાંથી નિવૃત્તિ લઈ લીધી છે પરંતુ તે હજુ પણ આઈપીએલમાં રમી રહ્યો છે. અને તેની કપ્તાનીમાં CSK IPL 2023ની ફાઇનલમાં પહોંચી છે. આવી સ્થિતિમાં, ભારતીય ટીમના મુખ્ય કોચ રાહુલ દ્રવિડ અને ભારતીય ટીમના કેપ્ટન રોહિત શર્માએ ફરીથી ધોનીને વર્લ્ડ કપ 2023 માટે ટીમ સાથે જોડાવા માટે વિનંતી કરવી જોઈએ. તે જ સમયે, એસએસ ધોનીના ચાહકો પણ ઇચ્છે છે કે તે વર્લ્ડ કપ 2023 માટે ફરીથી ટીમમાં પાછો ફરે.

જો ધોની ઈન્ટરનેશનલ ક્રિકેટમાં નિવૃત્તિ બાદ પરત ફરે છે તો તે કોઈ નવી વાત નથી. આ પહેલા પણ આંતરરાષ્ટ્રીય ક્રિકેટમાં ઘણા દિગ્ગજ ખેલાડીઓ નિવૃત્તિ બાદ વાપસી કરી ચૂક્યા છે. નિવૃત્તિ બાદ આંતરરાષ્ટ્રીય ક્રિકેટમાં પરત ફરેલા ખેલાડીઓની યાદીમાં ઈમરાન ખાન, શાહિદ આફ્રિદી, કેવિન પીટરસન, ડ્વેન બ્રાવો અને જાવેદ મિયાંદાદ જેવા ખેલાડીઓનો સમાવેશ થાય છે. તમને જણાવી દઈએ કે 2003 વર્લ્ડ કપમાં કેપ્ટન સૌરવ ગાંગુલીના કહેવા પર ટીમ ઈન્ડિયાના પૂર્વ બોલર જવાગલ શ્રીનાથ પણ સંન્યાસ બાદ ભારતીય ટીમમાં પરત ફર્યા હતા.