રીકી પોન્ટીગ એ કરી ભવિષ્યવાણી ! આ બે ટીમો ટકરાશે વર્લ્ડ કપ ની ફાઈલ મેચ મા…જાણો વિગતે

T20 વર્લ્ડ કપ હવે તેના અંત તરફ આગળ વધી રહ્યો છે. કેટલીક ટીમો આ પ્રતિષ્ઠિત ટુર્નામેન્ટમાંથી લગભગ બહાર થઈ ગઈ છે, જ્યારે ઘણી ટીમો ક્વોલિફાય કરવા માટે ફેવરિટ છે. કઈ ટીમ સેમીફાઈનલ માટે ક્વોલિફાય થશે તે અંગે કોઈ પુષ્ટિ થઈ નથી. પરંતુ ઓસ્ટ્રેલિયાના પૂર્વ કેપ્ટન રિકી પોન્ટિંગે આગાહી કરી છે કે આ ટુર્નામેન્ટની ફાઈનલ ભારત અને ઓસ્ટ્રેલિયા વચ્ચે થશે.

પોન્ટિંગે આઈસીસી કોલમમાં લખ્યું, ‘સાચું કહું તો કોઈ નથી જાણતું કે મેલબોર્નમાં કઈ ટીમ ફાઈનલ રમશે. પરંતુ મને લાગે છે કે ઓસ્ટ્રેલિયા ક્વોલિફાય થવાનો રસ્તો શોધી લેશે. આ ટૂર્નામેન્ટમાં દક્ષિણ આફ્રિકા પણ ખતરનાક દેખાઈ રહ્યું છે. પરંતુ હું કહીશ કે ટૂર્નામેન્ટની ફાઈનલ ભારત અને ઓસ્ટ્રેલિયા વચ્ચે રમાઈ શકે છે.

કોહલીની પોસ્ટ પર સૂર્યકુમાર યાદવે લખ્યું ‘ફાયર હૈ’, વિરાટે આપ્યો આવો જવાબ T20 વર્લ્ડ કપમાં ભારતે અત્યાર સુધી રમાયેલી 4 મેચમાંથી 3માં જીત મેળવી છે. ટીમે પાકિસ્તાન, નેધરલેન્ડ અને બાંગ્લાદેશને હરાવ્યું છે અને ગ્રુપ બીના પોઈન્ટ ટેબલમાં પ્રથમ સ્થાને છે. તે જ સમયે, ઓસ્ટ્રેલિયાની ટીમ હજુ પણ મધ્યમાં છે. તેમની નજર અન્ય ટીમો પર પણ છે અને તેમણે શુક્રવારે અફઘાનિસ્તાન સામેની મેચ પણ મોટા માર્જિનથી જીતવી પડશે કારણ કે ઓસ્ટ્રેલિયાનો રન રેટ ઈંગ્લેન્ડ અને ન્યુઝીલેન્ડની ટીમ કરતા ઘણો ઓછો છે.

ઓસ્ટ્રેલિયા તેની પ્રથમ મેચ ન્યૂઝીલેન્ડ સામે હારી ગયું હતું. તે જ સમયે, ઇંગ્લેન્ડ સામેની મેચ વરસાદને કારણે રદ કરવી પડી હતી અને બંને ટીમોને 1-1 પોઈન્ટથી સંતોષ માનવો પડ્યો હતો. જોકે, તેઓએ આયર્લેન્ડ અને શ્રીલંકાને હરાવ્યું હતું. ઓસ્ટ્રેલિયાની ટીમ શુક્રવારે અફઘાનિસ્તાન સામે રમવા ઉતરશે. કેપ્ટન એરોન ફિન્ચ અને ટિમ ડેવિડ મેદાન પર આવે છે કે નહીં તે જોવું રસપ્રદ રહેશે. આ બંને ખેલાડીઓ આયર્લેન્ડ સામે રમતા સમયે ઈજાગ્રસ્ત થયા હતા.