હાર બાફ મુંબઈ ઈંડિયન્સના કોચનું ખુબ મોટુ નિવેદન! હાર બાદ જ કહી દીધી આવી વાત.. જાણો

ઇન્ડિયન પ્રીમિયર લીગ 2023 ક્વોલિફાયર 2 માં, ગુજરાત ટાઇટન્સ મુંબઇ ઇન્ડિયન્સને હરાવીને IPL ફાઇનલમાં પહોંચી હતી. હવે હાર્દિક પંડ્યાની કપ્તાની હેઠળની ગુજરાત ટાઇટન્સની ટીમ 28 મેના રોજ ચેન્નાઈ સુપર કિંગ્સ સામે 16મી સિઝનની ટાઈટલ મેચ રમશે. મુંબઈ ઈન્ડિયન્સની હાર બાદ ટીમના કોચ માર્ક બાઉચરે મોટું નિવેદન આપ્યું છે. તેણે મુંબઈ ઈન્ડિયન્સના કેપ્ટન રોહિત શર્મા વિશે એક મોટી વાત કહી છે.

મુંબઈ ઈન્ડિયન્સના મુખ્ય કોચ માર્ક બાઉચરે ગુજરાત ટાઈટન્સ સામેની મેચમાં હાર બાદ કહ્યું કે રોહિત શર્મા એક શાનદાર ખેલાડી છે. રોહિત શર્માએ ટીમનું નેતૃત્વ કર્યું હતું. અમે IPL દરમિયાન સારી બેટિંગ કરી હતી, રોહિતે સારી કેપ્ટનશિપ કરી હતી. મુંબઈ ઈન્ડિયન્સ સિઝન 2023માં સારું ક્રિકેટ રમ્યું છે, જે ભવિષ્યમાં અમને સારી સ્થિતિમાં ઉભું કરશે. 2017 પછી આ પ્રથમ વખત છે જ્યારે મુંબઈ ઈન્ડિયન્સની ટીમ પ્લેઓફમાં મેચ હારી છે. મુંબઈ ઈન્ડિયન્સ છેલ્લે 2017માં રાઈઝિંગ પુણે સુપરજાયન્ટ્સ સામે ક્વોલિફાયર મેચ હારી ગઈ હતી.

ગુજરાત ટાઈટન્સના ઓપનર શુભમન ગીલે મુંબઈ ઈન્ડિયન્સ સામે શાનદાર બેટિંગ કરતા આઈપીએલ સીઝન 2023 અને તેની આઈપીએલ કારકિર્દીની ત્રીજી સદી ફટકારી હતી. ગિલે માત્ર 60 બોલમાં 129 રનની ધમાકેદાર ઇનિંગ રમી હતી. આ દરમિયાન તેના બેટમાંથી 10 વધુ છગ્ગા અને 7 ચોગ્ગા નીકળ્યા. તેની સદી સાથે તે IPL 2023માં સૌથી વધુ રન બનાવનાર બેટ્સમેન બની ગયો છે. શુભમન ગિલે તેની 16 મેચોમાં 60.79ની એવરેજ અને 156.43ની સ્ટ્રાઈક રેટથી 851 રન બનાવ્યા છે.

મુંબઈ ઈન્ડિયન્સના કેપ્ટન રોહિત શર્માએ ટોસ જીતીને પ્રથમ બોલિંગ કરવાનું પસંદ કર્યું હતું. પ્રથમ બેટિંગ કરવાનું પસંદ કરીને, ગુજરાત ટાઇટન્સની ટીમે શુભમન ગિલની 129 રનની ધમાકેદાર સદીની ઇનિંગને કારણે મુંબઈ ઇન્ડિયન્સ સામે જીતવા માટે 234 રનનો વિશાળ લક્ષ્યાંક આપ્યો હતો. આ સિવાય સાઈ સુદર્શને 43 રન, હાર્દિક પંડ્યાએ અણનમ 28 રન બનાવ્યા હતા. લક્ષ્યનો પીછો કરતા મુંબઈની ટીમ 18.2 ઓવરમાં 171 રનમાં ઓલઆઉટ થઈ ગઈ હતી. મુંબઈ ઈન્ડિયન્સ તરફથી સૂર્યકુમાર યાદવે 38 બોલમાં 61 રન અને તિલક વર્માએ 14 બોલમાં 43 રન બનાવ્યા હતા. ગુજરાત ટાઇટન્સના ફાસ્ટ બોલર મોહિત શર્માએ મેચમાં માત્ર 2.2 ઓવરમાં 10 રન આપીને 5 વિકેટ ઝડપી હતી.