વર્લ્ડ કપ 2023 માં જોવા નહિ મળે ક્રિકેટના આ 9 દિગ્ગજ પ્લેયર!! એક નામ તો એવુ કે જાણી તમે કેશો કે એને પાછો લાવો…
આ વર્ષે ભારતમાં ODI વર્લ્ડ કપ 2023 રમાવાનો છે. આ મેગા ટુર્નામેન્ટ ઓક્ટોબર અને નવેમ્બર મહિનામાં આયોજિત કરવામાં આવશે. ભારતમાં 12 વર્ષ બાદ ODI વર્લ્ડ કપ રમાઈ રહ્યો છે. અગાઉ વર્ષ 2011માં ભારતમાં ODI વર્લ્ડ કપ રમાયો હતો. જ્યાં ભારતીય ટીમ ચેમ્પિયન બની હતી. ત્યારપછી ટીમ ઈન્ડિયા એક વખત પણ વર્લ્ડ કપ જીતી શકી નથી. ભારત પાસે આ વખતે વર્લ્ડ કપ જીતવાની સારી તક છે. ગત વર્લ્ડ કપમાં ટીમ ઈન્ડિયાને સેમિફાઈનલમાં ન્યૂઝીલેન્ડના હાથે હારનો સામનો કરવો પડ્યો હતો. તે વર્લ્ડ કપ પછીથી, ઘણા ખેલાડીઓએ ક્રિકેટ અથવા ODI ફોર્મેટમાંથી નિવૃત્તિ લીધી છે. ચાલો આજે એવા 9 ખેલાડીઓ પર એક નજર કરીએ જે આ વર્ષના વર્લ્ડ કપમાં જોવા નહીં મળે.
ODI વર્લ્ડ કપ 2019માં ઈંગ્લેન્ડ ચેમ્પિયન બન્યું હતું. ત્યારથી અત્યાર સુધી ઘણી વનડે રમાઈ નથી. ટીમો મોટાભાગે T20 અથવા ટેસ્ટ રમી છે. પરંતુ હવે વન-ડેનું વર્ષ છે. પરંતુ આ વર્ષે તમે તમારા કેટલાક મનપસંદ સ્ટાર ખેલાડીઓને મિસ કરશો જે આ વર્ષે ODI વર્લ્ડ કપમાં જોવા નહીં મળે. તે ખેલાડીઓમાં સૌથી મોટું નામ એમએસ ધોનીનું છે. ગત વર્લ્ડ કપમાં એમએસ ધોનીએ ભારત માટે છેલ્લી મેચ રમી હતી. તે મેચના બરાબર એક વર્ષ બાદ ધોનીએ આંતરરાષ્ટ્રીય ક્રિકેટમાંથી નિવૃત્તિ લીધી હતી. ભારતીય ચાહકો આ વર્ષે વર્લ્ડ કપમાં એમએસ ધોનીને મિસ કરશે. ટીમ ઈન્ડિયાએ છેલ્લો ODI વર્લ્ડ કપ જીત્યો ત્યારે એમએસ ધોની ભારતીય ટીમના કેપ્ટન હતા. આ સિવાય બેન સ્ટોક્સ, ફાફ ડુ પ્લેસિસ, ડેલ સ્ટેન, ઈયોન મોર્ગન, હાશિમ અમલા, રોસ ટેલર, ક્રિસ ગેલ, એરોન ફિન્ચ આ વર્ષના વર્લ્ડ કપમાં જોવા મળશે નહીં.
આ વર્ષના ODI વર્લ્ડ કપમાં ટીમ ઈન્ડિયા પાસે તેને જીતવાની સારી તક છે. ભારત 12 વર્ષથી આ વર્લ્ડ કપ જીતી શક્યું નથી, પરંતુ આ વખતે એક સુખદ સંયોગ બની રહ્યો છે કે ટીમ ઈન્ડિયા તેને જીતી શકે છે. હવે તમે વિચારતા જ હશો કે એવો કયો સંયોગ છે કે ટીમ ઈન્ડિયા આ વર્લ્ડ કપ જીતી શકે છે. તો ચાલો તમને જણાવીએ. વાસ્તવમાં છેલ્લા ત્રણ વર્લ્ડ કપથી એવું થઈ રહ્યું છે કે હોમ ટીમ વર્લ્ડ કપ જીતી રહી છે. વર્ષ 2011માં ભારતમાં વર્લ્ડ કપ રમાયો હતો અને ટીમ ઈન્ડિયાએ તેમાં જીત મેળવી હતી. વર્ષ 2015માં ઓસ્ટ્રેલિયામાં વર્લ્ડ કપ રમાયો હતો અને તેમાં ઓસ્ટ્રેલિયાએ જીત મેળવી હતી અને છેલ્લો વર્લ્ડ કપ ઈંગ્લેન્ડમાં રમાયો હતો અને તે ઈંગ્લેન્ડે જીત્યો હતો. આવી સ્થિતિમાં, આ વખતે ભારતમાં વર્લ્ડ કપ રમાઈ રહ્યો છે, તેથી ટીમ ઈન્ડિયા પાસે તેને જીતવાની સારી તક છે.
