મુંબઈ સામે લખનઉને મળી ખુબ શરમજનક હાર! આ ખિલાડી બન્યો હારનું કારણ… જાણો

IPL 2023 ની એલિમિનેટર મેચમાં, લખનૌ સુપરજાયન્ટ્સ 81 રનના વિશાળ માર્જિનથી મેચ હારી ગઈ હતી. આ હાર સાથે જ આ ટીમની સફર અહીં પૂરી થઈ ગઈ. મુંબઈએ એકતરફી જીત સાથે બીજા ક્વોલિફાયરમાં જગ્યા બનાવી લીધી છે. ચેપોકમાં કારમી હારની જવાબદારી લખનૌના કેપ્ટન કૃણાલે પોતે લીધી છે. આ સાથે તેણે સમજાવ્યું કે ક્વિન્ટન ડી કોકને આજે પ્લેઈંગ 11માં કેમ રમાડવામાં આવ્યો નથી.

લખનૌ સુપર જાયન્ટ્સના કેપ્ટન કૃણાલ પંડ્યાએ મેચ બાદ પ્રતિક્રિયા આપી છે. તેણે કહ્યું કે અમે એક તબક્કે સારી સ્થિતિમાં હતા પરંતુ જ્યારે મેં તે શોટ રમ્યો ત્યારે બધુ ખોટું થઈ ગયું હતું, અમારે વધુ સારું ક્રિકેટ રમવું જોઈતું હતું. તેણે તેના શોટનો ખોટો અંદાજ કાઢ્યો અને હાર માટે પોતાને દોષી ઠેરવ્યો. પંડ્યાએ કહ્યું કે આ માટે હું સંપૂર્ણપણે જવાબદાર છું. કૃણાલ પંડ્યાએ વધુમાં કહ્યું કે, ‘બોલ બેટ પર સારી રીતે આવી રહ્યો હતો, અમારે માત્ર સારી બેટિંગ કરવાની હતી. તે વ્યૂહાત્મક વિરામ પછી અમે સારું ક્રિકેટ રમ્યા નહોતા.

આ મહત્વપૂર્ણ મેચમાં ક્વિન્ટન ડી કોકને પ્લેઈંગ 11માં કેમ સ્થાન ન મળ્યું? આ પ્રશ્ન પર કૃણાલે કહ્યું કે ક્વિન્ટન ડી કોક ગુણવત્તાયુક્ત બેટ્સમેન છે, પરંતુ મેયરનો અહીં સારો રેકોર્ડ છે, તેથી અમે તેની સાથે (પ્લેઈંગ ઈલેવનમાં) આગળ વધ્યા. તેમના (MI) બેટ્સમેન ઝડપી બોલરો સામે ખરેખર સારી બેટિંગ કરે છે, તેથી મેં તેમની સામે સ્પિન સાથે ઓપનિંગ કરવાનું વિચાર્યું.

પ્રથમ બેટિંગ કરતા મુંબઈ ઈન્ડિયન્સે 20 ઓવરમાં 8 વિકેટ ગુમાવીને 182 રન બનાવ્યા હતા. મુંબઈ માટે કેમેરોન ગ્રીને 23 બોલમાં 41 રન બનાવ્યા હતા જ્યારે સૂર્યકુમાર યાદવે 20 બોલમાં 33 રનની શાનદાર ઇનિંગ રમી હતી. અંતે નેહલ વાઢેરાએ 12 બોલમાં 23 રન ફટકારીને ટીમને 188 રન સુધી પહોંચાડી હતી. આ ટાર્ગેટના જવાબમાં લખનૌ 101 રનમાં ઓલઆઉટ થઈ ગયું અને 81 રનથી મેચ હારી ગયું.