જો આવું થયું તો ભારત અને પાકિસ્તાન ટકરાશે વર્લ્ડ કપ ની ફાઇનલ મેચ મા ?? જાણો શુ છે સમીકરણ

ઓસ્ટ્રેલિયામાં રવિવારે સવારે રમાઈ રહેલા T20 વર્લ્ડ કપમાં મોટો અપસેટ જોવા મળ્યો હતો. રેન્કિંગમાં 17માં સ્થાને રહેલી નેધરલેન્ડે દક્ષિણ આફ્રિકાને 13 રને હરાવ્યું હતું. આ જીતનો સૌથી મોટો ફાયદો ભારત અને પાકિસ્તાનને મળ્યો. જ્યારે ભારત સીધું સેમીફાઈનલમાં પહોંચ્યું હતું, તો પાકિસ્તાને પણ બાંગ્લાદેશને હરાવીને સેમીફાઈનલમાં જગ્યા બનાવી હતી.
અત્યાર સુધી રમાયેલા 7 T20 વર્લ્ડ કપમાં ભારત અને પાકિસ્તાન એકસાથે માત્ર એક જ વખત સેમીફાઈનલમાં પહોંચ્યા છે. 2007માં રમાયેલો આ પહેલો T20 વર્લ્ડ કપ હતો. આ પછી બંને ટીમો એકસાથે કોઈ પણ વર્લ્ડ કપમાં સેમિફાઈનલમાં પહોંચી નથી.

2007ના વર્લ્ડ કપમાં બંને ટીમો પોતપોતાની સેમી ફાઈનલ મેચો જીતીને ફાઇનલમાં પહોંચી હતી. સેમીફાઈનલમાં ભારતે ઓસ્ટ્રેલિયાને અને પાકિસ્તાને ન્યુઝીલેન્ડને હરાવ્યું હતું. આ પછી બંને વચ્ચે રમાયેલી ફાઈનલ મેચ ભારતે 5 રને જીતી લીધી હતી. આવી સ્થિતિમાં હવે બંને ટીમો ફાઈનલ રમે તેવી શક્યતાઓ છે.

2007 T20 વર્લ્ડ કપમાં ગ્રુપ મેચ બાદ બંને ટીમો ફરી એકવાર ફાઇનલમાં આમને સામને આવી હતી. ભારતે ટોસ જીતીને પ્રથમ બેટિંગ કરવાનો નિર્ણય કર્યો હતો. ગૌતમ ગંભીરે 54 બોલમાં 75 રનની જવાબદાર ઇનિંગ રમી હતી. આ ઇનિંગમાં તેણે 8 ફોર અને 2 સિક્સર ફટકારી હતી. રોહિત શર્માએ 16 બોલમાં 30 રન બનાવ્યા હતા. ભારતે 20 ઓવરમાં 5 વિકેટ ગુમાવીને 157 રન બનાવ્યા હતા. લક્ષ્યનો પીછો કરતા પાકિસ્તાનની શરૂઆત ખૂબ જ ખરાબ રહી હતી. પાકિસ્તાને 77 રનમાં 6 વિકેટ ગુમાવી દીધી હતી. આ પછી મિસ્બાહ-ઉલ-હકે છેલ્લી ઓવર સુધી મેચને પોતાના હાથમાં લઈ લીધી હતી. આ ઓવરમાં પાકિસ્તાનને જીતવા માટે 13 રનની જરૂર હતી, પરંતુ મિસ્બાહ 43 રન બનાવીને આઉટ થઈ ગયો અને ભારતે 5 રનથી મેચ જીતી લીધી.

આ સાથે ટીમ ઈન્ડિયા પ્રથમ T20 વર્લ્ડ કપની વિજેતા પણ બની ગઈ છે. આ મેચમાં જોગીન્દર શર્મા છેલ્લી ઓવર નાખવા આવ્યો હતો. જોગીન્દર માત્ર એક મેચમાં સ્ટાર બની ગયો હતો. આ યુવા બોલરને ભારતનું દરેક બાળક જાણીતું હતું. 2022માં ભારત-પાકિસ્તાન ફાઇનલમાં પહોંચવાનું સમીકરણ

• પહેલું સમીકરણઃ જો ટીમ ઈન્ડિયા આજે ભારત અને ઝિમ્બાબ્વે સામેની મેચમાં વિજય મેળવે છે તો ભારત ગ્રુપ-2માં નંબર-1 પર આવી જશે અને સેમીફાઈનલમાં તેનો સામનો ઈંગ્લેન્ડ સામે થશે. તે જ સમયે, ન્યૂઝીલેન્ડ સેમિફાઇનલમાં પાકિસ્તાન સામે રમશે.
• બીજું સમીકરણઃ જો ઝિમ્બાબ્વે ટીમ ઈન્ડિયાને હરાવશે તો પાકિસ્તાન ગ્રુપમાં ટોપ પર આવશે અને તેનો મુકાબલો ઈંગ્લેન્ડ સામે થશે અને ટીમ ઈન્ડિયા ન્યૂઝીલેન્ડ સામે રમશે.
• ત્રીજું સમીકરણ: પાકિસ્તાનની ટીમ ચોક્કસપણે સેમિફાઇનલમાં ન્યૂઝીલેન્ડ સામે ટક્કર લેવાનું પસંદ કરશે, કારણ કે તેણે 2007 વર્લ્ડ કપની સેમિફાઇનલમાં કિવી ટીમને હરાવ્યું હતું. આ સાથે જ ટીમ ઈન્ડિયા સેમીફાઈનલમાં ન્યુઝીલેન્ડનો સામનો કરવાનું પસંદ કરશે નહીં. તેનું કારણ એ છે કે ભારતીય ટીમ ટી-20 વર્લ્ડ કપમાં કિવી ટીમ સામે એક પણ વખત જીત મેળવી શકી નથી.