2023 ના વર્લ્ડ કપ મા આ સાત ટીમો થઈ ગઈ ફાઈનલ! એક મોટી ટીમ માટે હજી લટકતી તલવાર
ઓસ્ટ્રેલિયામાં રમાયેલો T20 વર્લ્ડ કપ પૂરો થઈ ગયો છે અને હવે દરેક લોકો 2023માં ભારતમાં રમાનારી ODI વર્લ્ડ કપની આતુરતાથી રાહ જોઈ રહ્યા છે. આ ટૂર્નામેન્ટ ઓક્ટોબર-નવેમ્બરમાં આયોજિત કરવામાં આવશે અને આ માટે 8 ટીમો સીધી ક્વોલિફાય થશે, જેની પસંદગી ICC સુપર લીગના પોઈન્ટ ટેબલ અનુસાર કરવામાં આવશે. આ 8 ટીમોમાંથી 7 ટીમની પસંદગી કરવામાં આવી છે અને હવે માત્ર 8માં સ્થાને આવનારી ટીમ માટે જંગ ચાલુ છે.
આ ટીમો ક્વોલિફાય થઈ વર્લ્ડ કપની વાત કરીએ તો ભારત, ઈંગ્લેન્ડ, ન્યુઝીલેન્ડ, ઓસ્ટ્રેલિયા, બાંગ્લાદેશ, પાકિસ્તાન અને અફઘાનિસ્તાન ક્વોલિફાય થયા છે. જેમાંથી વર્તમાન પોઈન્ટ ટેબલની વાત કરીએ તો ટીમ ઈન્ડિયા નંબર-1 પર છે. તેણે અત્યાર સુધી 20 મેચ રમી છે. તે 13માં જીત્યો છે જ્યારે 6માં હાર્યો છે. ટીમના કુલ 134 પોઈન્ટ છે. આ સાથે જ ઈંગ્લેન્ડના 18 મેચમાં 125 પોઈન્ટ છે અને તે બીજા નંબર પર છે. ન્યુઝીલેન્ડના પણ 17 મેચમાં 125 પોઈન્ટ છે, પરંતુ નેટ રનરેટના કારણે તે હાલમાં ત્રીજા નંબર પર છે.
દક્ષિણ આફ્રિકા 11મા સ્થાને છે. જ્યાં ઓસ્ટ્રેલિયા ચોથા નંબરે, બાંગ્લાદેશ પાંચમા નંબરે, પાકિસ્તાન છઠ્ઠા નંબરે અને અફઘાનિસ્તાન સાતમા નંબરે છે, જ્યારે વેસ્ટ ઈન્ડિઝ નંબર 8 પર છે પરંતુ તે હજુ સુધી ક્વોલિફાઈ નથી થયું. આ યાદીમાં દક્ષિણ આફ્રિકાએ સૌથી વધુ ચોંકાવનારી છે, જે 16 મેચમાં માત્ર 59 પોઈન્ટ સાથે 11મા સ્થાને છે. આફ્રિકાએ આગામી સમયમાં ઓસ્ટ્રેલિયા અને ન્યુઝીલેન્ડ સામે શ્રેણી રમવાની છે, ત્યાર બાદ તેની ટોપ-8માં ક્વોલિફાય થવાની શક્યતા ઘણી ઓછી છે અને તેને ક્વોલિફાયર રાઉન્ડ પણ રમવો પડી શકે છે.
શ્રીલંકાની ટીમ હાલમાં વર્લ્ડ કપ સુપર લીગમાં 10મા સ્થાને છે. રવિવારે અફઘાનિસ્તાન સામેની તેમની મેચ વરસાદને કારણે રદ કરવામાં આવી હતી. આ કારણે તેની સીધી ક્વોલિફાય થવાની આશાને ઝટકો લાગ્યો છે. તેના 20 મેચમાં 67 પોઈન્ટ છે.
The race to qualify for next year's ICC Cricket World Cup is hotting up 🔥
More 👉 https://t.co/4ZbT07WrBo pic.twitter.com/X0tfJzpN6f
— ICC (@ICC) November 28, 2022
