શરૂ મેચ પર બટલરે ફિલ્ડ પર કરી IPL હરાજીની વાત! કહ્યું કે ‘મોટુ ઓક્શન…. જુઓ આ વિડીયો
ઇન્ડિયન પ્રીમિયર લીગ 2023 (IPL 2023) માટે રિટેન કરાયેલ અને રિલીઝ કરાયેલા ખેલાડીઓની યાદી મંગળવારે જાહેર કરવામાં આવી હતી. યાદી જાહેર થતાની સાથે જ મીની હરાજીનું ચિત્ર લગભગ સ્પષ્ટ થઈ ગયું છે. ટીમો હરાજી માટે ઉત્સાહિત છે ત્યારે ઘણા વિદેશી ખેલાડીઓ પણ તેની આતુરતાથી રાહ જોઈ રહ્યા છે. ઓસ્ટ્રેલિયા અને ઈંગ્લેન્ડ વચ્ચે રમાયેલી મેચમાં આ જ વાતનું ઉદાહરણ જોવા મળ્યું જ્યારે ઈંગ્લેન્ડના કેપ્ટન જોસ બટલરે આઈપીએલને લઈને ઓસ્ટ્રેલિયન ખેલાડી કેમેરોન ગ્રીનની ઝાટકણી કાઢી.
વાસ્તવમાં ઓસ્ટ્રેલિયાની ઈનિંગની 40મી ઓવરમાં બટલર વિકેટની પાછળથી કેમેરોન ગ્રીનનું ધ્યાન ભટકાવવાનો પ્રયાસ કરી રહ્યો હતો, આ દરમિયાન જ્યારે કેમેરોન બોલને હળવાશથી સ્પર્શ કર્યો અને કોઈ રન ન થયો, ત્યારે બટલરે પાછળથી કહ્યું કે મોટી હરાજી આવી રહી છે. શું કરવું. કેમેરોન ગ્રીન તેની પાસેથી આ સાંભળીને હસ્યો. ઓસ્ટ્રેલિયન ઓલરાઉન્ડર કેમરન ગ્રીન પોતાની શાનદાર રમતના કારણે IPL ઓક્શન પહેલા જ ચર્ચામાં છે. એવું માનવામાં આવે છે કે મીની હરાજીમાં, ફ્રેન્ચાઇઝીઓ તેમના પર જોરદાર બોલી લગાવી શકે છે.
It was good of @josbuttler to remind Cam Green about the upcoming IPL auction 😂
Textbook stuff this 👌 pic.twitter.com/bkLbdXmUQ4
— Cricket on BT Sport (@btsportcricket) November 17, 2022
મેચમાં પ્રથમ બેટિંગ કરવા ઉતરેલી ઈંગ્લેન્ડની શરૂઆત સારી રહી ન હતી. પરંતુ દાઉદ માલાને 134 રનની સદીની ઇનિંગ રમીને ટીમને 287 રનના લક્ષ્યાંક સુધી પહોંચાડી દીધી હતી. ટાર્ગેટનો પીછો કરતા ઓસ્ટ્રેલિયાને ટ્રેવિસ હેડ અને ડેવિડ વોર્નરે મજબૂત શરૂઆત આપી હતી અને 147 રન ઉમેર્યા હતા. અંતે કાંગારૂ ટીમે આ મેચ 6 વિકેટે જીતી લીધી છે.
