એંશીયા કપ માટે ભારતની આ સંભવિત ટિમ જઈ શકે છે રમવા! એક નામ તો એવુ આવ્યું કે જાણીને ચોકી જશો.
ભારતની ધરતી પર 12 વર્ષના લાંબા ગાળા બાદ ODI વર્લ્ડ કપ રમાઈ રહ્યો છે. આ વર્લ્ડ કપ 5 ઓક્ટોબરથી રમાશે. પરંતુ તે પહેલા ભારતીય ટીમે એશિયા કપ પણ રમવાનો છે જે પાકિસ્તાનમાં રમાવાનો છે. આ એશિયા કપ સપ્ટેમ્બરમાં યોજાનાર વર્લ્ડ કપ પહેલા રમાશે. ઈજાના કારણે જસપ્રીત બુમરાહ અને ઋષભ પંત એશિયા કપમાં પણ રમતા જોવા મળશે નહીં. આવી સ્થિતિમાં પ્લેઈંગ ઈલેવનમાં તેનું સ્થાન ખાલી છે અને તેને ભરવા માટે આઈપીએલના કેટલાક સુપરસ્ટાર્સને તક આપવામાં આવી શકે છે.
ઋષભ પંત કાર અકસ્માતના કારણે લાંબા સમયથી ભારતીય ટીમની બહાર છે. તેની જગ્યા લેવા માટે ઘણા ખેલાડીઓ મેદાનમાં છે, પરંતુ તેમાંથી સૌથી મજબૂત રિંકુ સિંઘ છે, જેણે IPL સિઝનમાં શાનદાર પ્રદર્શન કર્યું છે. આ સિવાય ભારતીય ટીમમાં જસપ્રીત બુમરાહનું સ્થાન પણ લાંબા સમયથી ખાલી છે.
બુમરાહ પીઠની ઈજાથી ઝઝૂમી રહ્યો છે અને મીડિયા રિપોર્ટ્સ અનુસાર તે એશિયા કપમાંથી પણ બહાર થઈ જશે. એશિયા કપમાં તેની જગ્યાએ યુવા સેન્સેશન આકાશ માધવાલને સ્થાન આપવામાં આવી શકે છે. આકાશે હવે IPLમાં 11 સફળતા મેળવી છે. તેમાંથી તેણે એલિમિનેટર જેવી મહત્વની મેચમાં પાંચ વિકેટ ઝડપી હતી. આવી સ્થિતિમાં બુમરાહની જગ્યાએ આકાશને લેવામાં આવી શકે છે.
એશિયા કપ પછી તરત જ ભારતીય ટીમ વર્લ્ડ કપ રમશે, તેથી તે એશિયા કપમાં તેના શ્રેષ્ઠ ખેલાડીઓને તક આપવા માંગે છે. એક તરફ રોહિત શર્મા અને વિરાટ કોહલીને રમવું હિતાવહ છે, તો મોહમ્મદ શમી અને મોહમ્મદ સિરાજ પણ ટીમમાં હશે. કુલદીપ અને ચહલ સ્પિનર તરીકે હાજર રહેશે. જ્યારે જાડેજા, હાર્દિક અને અક્ષર પટેલ ઓલરાઉન્ડરની ભૂમિકા ભજવશે.
