જે પ્લેયરને ટેસ્ટ પ્લેયર કહી કહીને બહાર બેસાડ્યો તે જ પ્લેયરે બેટિંગમાં ધડાકો કર્યો ! 245 ની સ્ટ્રાઇક રેટથી ઠોક્યાં આટલા બધા રન….
આ આંકડા કોલકાતા નાઈટ રાઈડર્સ સામે ચેન્નાઈ સુપર કિંગ્સ તરફથી રમતા અજિંક્ય રહાણેના છે, જેને આઈપીએલ-2023ની શરૂઆતની મેચમાં પ્લેઈંગ ઈલેવનમાં સ્થાન પણ નહોતું મળ્યું.બેન સ્ટોક્સ અને મોઈન અલીની ફિટનેસ ન હોવાને કારણે રહાણે ચેન્નાઈ સુપર કિંગ્સમાં પ્લેઈંગ ઈલેવનનો ભાગ બન્યો.
તે પહેલાથી જ ટીમ ઈન્ડિયાની બહાર છે. આઈપીએલની હરાજીમાં પણ ચેન્નાઈ સુપર કિંગ્સ સિવાય કોઈપણ ટીમે તેના પર વિશ્વાસ નથી કર્યો. આવી સ્થિતિમાં, તે તેની મૂળ કિંમત 50 લાખ રૂપિયામાં ચેન્નાઈ સુપર કિંગ્સનો ભાગ બન્યો.રવિવારે ઈડન ગાર્ડન્સમાં રમાયેલી મેચમાં અજિંક્ય રહાણેએ ધમાકેદાર ઇનિંગ રમી હતી અને તે મેદાનના દરેક ખૂણામાં મોટા શોટ મારતો જોવા મળ્યો હતો.
19મી ઓવર વરુણ ચક્રવર્તી લાવી હતી, આ ઓવરમાં રહાણેએ બે સિક્સર અને એક ફોર ફટકારી હતી.આવા જ એક શોટને ઈંગ્લેન્ડના પૂર્વ ક્રિકેટર કેવિન પીટરસને અદ્ભુત ગણાવ્યો છે. પીટરસન પોતે સૌથી ઝડપી બેટ્સમેનોમાંનો એક રહ્યો છે.વિસ્ફોટક બેટ્સમેન વીરેન્દ્ર સેહવાગ અને હરભજન સિંહે પણ રહાણેના વખાણ કર્યા છે.
245ની આસપાસના સ્ટ્રાઈક રેટથી 71 રન બનાવનાર રહાણે આ મેચમાં અણનમ રહ્યો હતો. તેને બીજા છેડેથી શિવમ દુબે અને રવિન્દ્ર જાડેજાનો ઘણો સપોર્ટ મળ્યો.રહાણેની આખી ઇનિંગ દરમિયાન કેટલાક એવા ક્લાસિક શોટ્સ પણ જોવા મળ્યા હતા, જે ફક્ત અનુભવથી જ મળે છે.
