એક સમયે લોકો પાણી વેચવાનો મજાક ઉડાવતા હતા, આજે દુનીયા સૌથી મોટી પાણીની કંપની બની ગઈ

આજે સામાન્ય રીતે લોકો પાણી વેચાતું લેવા જાય છે ત્યારે પાણી આપો એમ કહેવાને બદલે બીસલેરી આપો તેવુ કહે છે. કારણ કે એક મોટી બ્રાંડ બની ગઈ છે. બીસલેરી તેની એડ ના લીધે પણ ઘણી પોપ્યુલર થય છે અને તેની અલગ અલગ પ્રકાર ની એડ આવે છે અને તેની સફળતા ની વાત કરીએ તો એક પાયા માથી આ કંપની ઉભી થય છે.

બિસ્લેરીની સ્થાપના સૌપ્રથમ મિલાનમાં ઇટાલિયન ઉદ્યોગપતિ ફેલિસ બિસ્લેરીએ કરી હતી. 1921 માં ફેલિસ બિસ્લેરી બિસ્લેરીના મૃત્યુ પછી, ‘બિસ્લેરી કંપની’ ના ફેમિલી ડોક્ટર તેના માલિક બન્યા. બિસ્લેરી શરૂઆતમાં મેલેરિયાની સારવાર માટે ફાર્માસ્યુટિકલ કંપની હતી. આ સમય દરમિયાન કંપનીની મુંબઈમાં શાખા પણ હતી.

ભારતીય બિઝનેસમેન ખુસરુ સંતુકના પિતા ભારતમાં બિસ્લેરી કંપનીના કાનૂની સલાહકાર હોવા ઉપરાંત ડો. રોઝીજના ખૂબ સારા મિત્ર હતા. ભારતમાં વધતી જતી બિઝનેસ ડિમાન્ડ જોઈને, રોઝીજ કંઈક અલગ કરવા માંગતા હતા, પછી તેમણે વિચાર્યું કે તેમનો બિસ્લેરી કોન્સેપ્ટ બિઝનેસ ભારતમાં પણ ખૂબ જ સફળ થઈ શકે છે.

ડો રોઝીજે કોઈક રીતે ખુસરુ સંતુકને ભારતમાં ‘બિસ્લેરી’ના વ્યવસાયને આગળ વધારવા માટે મનાવ્યો. આ પછી, 1965 માં, મુંબઈના થાણે વિસ્તારમાં ખુસરુ સંતુક દ્વારા ‘બિસ્લેરી વોટર પ્લાન્ટ’ની સ્થાપના કરવામાં આવી. ભારતમાં બ્રાન્ડેડ પાણી વેચવાની પ્રથમ ફોર્મ્યુલા ડો રોઝીજે લાવી હતી અને પાણી વેચવાનો શ્રેય ખુસરુ સંતુકને જાય છે.

જ્યારે ભારતમાં બિસ્લેરી વોટર પ્લાન્ટ શરૂ કરવામાં આવી રહ્યો હતો, ત્યારે લોકોએ ખુસરુ સંતુકને ઉન્મત્ત ગણાવ્યો અને કહ્યું કે, આ શું ધંધો છે, ભારત જેવા દેશમાં 1 રૂપિયા આપીને પાણીની બોટલ કોણ ખરીદશે? કારણ કે તે સમયે ભારતમાં 1 રૂપિયાની કિંમત ઘણી વધારે હતી. મુંબઈમાં પાણી વેચવાનું એક મુખ્ય કારણ એ હતું કે ત્યારે ત્યાં પાણીની ગુણવત્તા ખૂબ ખરાબ હોતી. એટલા માટે બિસ્લેરીના માલિક ડો રોઝીજને લાગ્યું કે તેનો વ્યવસાય ભારતમાં ચાલી શકે છે.

બિસ્લેરીએ શરૂઆતમાં ભારતીય બજારમાં તેના બે ઉત્પાદનો બિસ્લેરી વોટર અને બિસ્લેરી સોડા લોન્ચ કર્યા હતા. બિસ્લેરીની આ બંને પ્રોડક્ટ્સ માત્ર 5 સ્ટાર હોટલ અને મોંઘી રેસ્ટોરાંમાં ઉપલબ્ધ હતી. બાદમાં, ધીરે ધીરે આ પ્રોડક્ટ્સ સામાન્ય લોકોને પણ મળવા લાગ્યા. પરંતુ લોકો પાણી કરતાં વધુ સોડા ખરીદતા હતા. આવી સ્થિતિમાં બિસ્લેરી પાણી વેચવામાં વધારે સફળતા મેળવી શકી નથી. આ કારણે, ખુસરુ સંતુક આ બ્રાન્ડ્સને આગળ વધારવા માંગતો ન હતો.