Sports

કિંગ કોહલી બાદ કોણ હશે ટિમ ઇન્ડિયાનો સુપરસ્ટાર પ્લેયર?? રોહિત શર્મા એ એવા ખિલાડીનું નામ આપ્યું કે જાણી ચોકી જશો…

23 વર્ષીય શુભમન ગીલે ભૂતકાળમાં પોતાની પ્રતિભાથી બધાને પ્રભાવિત કર્યા છે. આ યુવા બેટ્સમેને તાજેતરમાં IPLમાં ધમાલ મચાવી હતી. ગિલ ઈન્ડિયન પ્રીમિયર લીગ 2023માં 890 રન સાથે ઓરેન્જ કેપ ધારક હતો. ગિલની ચમક આંતરરાષ્ટ્રીય ક્રિકેટમાં પણ જોવા મળી છે. તેણે ભારતીય ટીમ માટે ત્રણેય ફોર્મેટમાં સદી ફટકારી છે. ગીલના બેટથી ODI ક્રિકેટમાં પણ બેવડી સદી ફટકારવામાં આવી છે. આ જ કારણ છે કે ગિલને ભારતીય ટીમનો સુપરસ્ટાર માનવામાં આવે છે.

હવે સુકાની રોહિત શર્માએ પણ ગિલ અંગે પોતાનો અભિપ્રાય આપ્યો છે. તાજેતરમાં, હિટમેને આઈસીસીને આપેલા ઈન્ટરવ્યુમાં ગિલના વખાણ કર્યા હતા. રોહિત શર્માએ કહ્યું, ‘શુબમન ગિલમાં ઘણી ક્ષમતા છે. તેના માટે મારા મનમાં કોઈ શંકા નથી. મને વિશ્વાસ છે કે તે ભારતીય ક્રિકેટ ટીમનો આગામી સુપરસ્ટાર બનશે. આ સ્તરે સફળ થવા માટે તેની પાસે તે બધું છે. મને આશા છે કે તે પોતાનું સારું ફોર્મ ચાલુ રાખશે.

રોહિત શર્મા ઉપરાંત વિરાટ કોહલી અને મુખ્ય કોચ રાહુલ દ્રવિડે પણ ગિલને ખૂબ જ ખાસ ગણાવ્યો છે. આ દરમિયાન મોહમ્મદ સિરાજે ગિલ પર પોતાનો અભિપ્રાય રાખતા પોતે કરેલી ભવિષ્યવાણીનો ખુલાસો કર્યો. તેણે કહ્યું, ‘શુબમન ગિલ પાસે તેના શોટ્સ રમવા માટે ઘણો સમય છે. તે મિડ-વિકેટ પર બાઉન્સર ફટકારે છે. મેં પહેલેથી જ કહ્યું હતું કે ગિલ સુપરસ્ટાર બનશે. અમે અમારું ટેસ્ટ ડેબ્યૂ એકસાથે કર્યું છે તેથી જ્યારે કોઈ સાથી આટલું સારું કરે છે ત્યારે તે ખૂબ જ સારું લાગે છે.

મહત્વપૂર્ણ છે કે, શુભમન ગીલે અત્યાર સુધી આંતરરાષ્ટ્રીય સ્તર પર ભારતીય ટીમ માટે 15 ટેસ્ટ મેચમાં 890 રન બનાવ્યા છે. આ સિવાય ગિલના નામે 24 વનડેમાં 65.55ની એવરેજથી 1311 રન અને 6 ટી20 મેચમાં 40.40ની એવરેજથી 202 રન છે. IPLમાં શાનદાર પ્રદર્શન કર્યા બાદ હવે ગિલને આંતરરાષ્ટ્રીય સ્તરે પણ ટૂંકા ફોર્મેટમાં ઘણી તકો મળવાની ખાતરી છે. વાત પૂરી કરીને કહીશું કે આ યુવા ખેલાડી ભારતીય ટીમનો મહત્વનો સભ્ય બની ગયો છે.

અહીં થી શેર કરી શકો

Leave a Reply

Your email address will not be published. Required fields are marked *

Gujarati Akhbar ન્યુઝના ગૃપમા જોડાવા અહીં ક્લિક કરો!