ફાઇનલ જીત્યા બાદ અભિમાને ભરાયો પેટ કમિન્સ ? નિવેદનમાં કહ્યું કે “ફેન્સને ચૂપ કરી સારું લાગ્યું…જીતનો હીરો આ ખિલાડીને ઠેહરાવ્યો
ઓસ્ટ્રેલિયન ટીમે પેટ કમિન્સની કેપ્ટનશીપ હેઠળ ODI વર્લ્ડ કપ 2023નો ખિતાબ જીત્યો હતો. ઓસ્ટ્રેલિયાનું આ એકંદરે છઠ્ઠું વર્લ્ડ કપ ટાઇટલ છે. ભારતે ઓસ્ટ્રેલિયાને જીતવા માટે 241 રનનો ટાર્ગેટ આપ્યો હતો જેને ઓસ્ટ્રેલિયાએ સરળતાથી હાંસલ કરી લીધો હતો. ઓસ્ટ્રેલિયાના કેપ્ટન પેટ કમિન્સે ટોસ જીતીને પ્રથમ બોલિંગ કરવાનો નિર્ણય કર્યો જે સાચો સાબિત થયો. આ મેચમાં ઓસ્ટ્રેલિયાના બોલરોએ શાનદાર બોલિંગ કરી હતી. ખિતાબ જીત્યા બાદ ઓસ્ટ્રેલિયાના કેપ્ટન પેટ કમિન્સે એક મોટી વાત કહી છે.
ઓસ્ટ્રેલિયાના કેપ્ટન પેટ કમિન્સ માટે વર્લ્ડ કપ ફાઇનલમાં વિરાટ કોહલીને આઉટ કરીને નરેન્દ્ર મોદી સ્ટેડિયમમાં હાજર 90 હજાર દર્શકોને ચૂપ કરાવવું એ સૌથી સંતોષજનક ક્ષણ હતી. કોહલી જ્યારે 54 રન પર રમી રહ્યો હતો ત્યારે કમિન્સે તેને વધારાના બાઉન્સ લેતા બોલ પર આઉટ કર્યો હતો. તેણે કહ્યું હા મને એવું લાગે છે. અમે પ્રેક્ષકોના મૌનને સ્વીકારવામાં થોડી સેકન્ડ લીધી. એવું લાગતું હતું કે આ પણ તે દિવસોમાંનો એક હતો જેમાં તે સદી ફટકારશે, જેમ કે તે સામાન્ય રીતે કરે છે અને તેથી તે સંતોષકારક હતું.
પેટ કમિન્સે તેના હોટલના રૂમમાંથી જોયું કે વાદળી કાફલો સ્ટેડિયમ તરફ આગળ વધી રહ્યો હતો, જેના કારણે તે થોડો અસ્વસ્થ હતો. તેણે કહ્યું કે મને હંમેશા કહેવું ગમે છે કે હું કમ્ફર્ટેબલ છું પરંતુ આજે સવારે હું થોડો નર્વસ હતો. મારા હોટેલના રૂમમાંથી મેં જોયું કે વાદળી કાફલો સ્ટેડિયમ તરફ આગળ વધી રહ્યો હતો. આ પછી, જ્યારે ટોસ માટે જઈ રહ્યા હતા, ત્યારે મેં જોયું કે 130000 લોકો ભારતની વાદળી જર્સી પહેરી રહ્યા હતા. આ એક એવો અનુભવ છે જે ક્યારેય ભૂલી શકાય તેમ નથી. તે એક અદ્ભુત દિવસ હતો પરંતુ સારી વાત એ હતી કે મોટાભાગે તેઓ કોઈ અવાજ કરતા ન હતા.
પેટ કમિન્સે ટ્રેવિસ હેડના પણ વખાણ કર્યા હતા, જેમણે વર્લ્ડ ટેસ્ટ ચેમ્પિયનશિપ ફાઈનલ બાદ ODI વર્લ્ડ કપ ફાઇનલમાં સદી ફટકારીને પોતાની ટીમની જીતમાં મહત્વની ભૂમિકા ભજવી હતી. તેણે કહ્યું કે ટ્રેવિસ હેડે શાનદાર પ્રદર્શન કર્યું. તેમને ટીમમાં રાખવા બદલ શ્રેય કોચ એન્ડ્રુ મેકડોનાલ્ડ અને પસંદગીકાર જ્યોર્જ બેલીને પણ જાય છે. તે ઈજાગ્રસ્ત થયો હતો અને અડધી ટુર્નામેન્ટ ચૂકી ગયો હતો અને તેને ટીમમાં રાખવો એક મોટું જોખમ હતું. અમારી મેડિકલ ટીમનું કામ પણ તેને એવા સ્થાને પહોંચાડવામાં ઉત્તમ હતું જ્યાં તે સારું પ્રદર્શન કરી શકે.
