ફરી એક વખત કરોડો ભારતીય ફેન્સનું દિલ તૂટ્યું, ઓસ્ટ્રેલિયાએ ભારતને આટલી વિકેટથી હરાવ્યું, કેપ્ટને હારનું ઠીકરુ આ ખિલાડી પર ઢોળ્યું…
વર્લ્ડ કપ 2023 ની ફાઇનલ મેચ અમદાવાદના નરેન્દ્ર મોદી સ્ટેડિયમ ખાતે ભારત અને ઓસ્ટ્રેલિયા (IND vs AUS) વચ્ચે રમાઈ હતી. ફાઈનલ મેચમાં ઓસ્ટ્રેલિયાની ટીમે ટોસ જીતીને પ્રથમ બોલિંગ કરવાનો નિર્ણય કર્યો હતો. ફાઈનલ મેચમાં ટોસ હારીને પ્રથમ બેટિંગ કરવા ઉતરેલી ભારતીય ટીમ 50 ઓવરમાં 10 વિકેટના નુકસાને 240 રન બનાવવામાં સફળ રહી હતી.
આ સાથે જ ટાર્ગેટનો પીછો કરવા આવેલી ઓસ્ટ્રેલિયન ટીમે શાનદાર બેટિંગ કરીને મેચ 6 વિકેટે જીતી લીધી હતી અને રેકોર્ડ છઠ્ઠી વખત વર્લ્ડ કપ પર કબજો કર્યો હતો. જ્યારે ફરી એકવાર ભારતીય ટીમનું વર્લ્ડ કપ જીતવાનું સપનું ચકનાચૂર થઈ ગયું.વર્લ્ડ કપ 2023માં ટીમ ઈન્ડિયાની બેટિંગ શાનદાર રહી હતી. પરંતુ ટીમ ઈન્ડિયાની બેટિંગ ફાઈનલ મેચમાં ફ્લોપ સાબિત થઈ હતી. ભારતીય ટીમ માટે કેએલ રાહુલ અને વિરાટ કોહલીએ શાનદાર અડધી સદીની ઇનિંગ્સ રમી હતી. જેના કારણે ટીમ ઈન્ડિયા 50 ઓવરમાં 10 વિકેટના નુકસાન પર 240 રન બનાવવામાં સફળ રહી હતી. તમને જણાવી દઈએ કે ફાઈનલ મેચમાં વિરાટ કોહલીએ 63 બોલમાં 54 રન બનાવ્યા હતા જ્યારે વિકેટકીપર બેટ્સમેન કેએલ રાહુલ 107 બોલમાં 66 રન બનાવવામાં સફળ રહ્યો હતો.
ઓસ્ટ્રેલિયા તરફથી ઝડપી બોલર મિચેલ સ્ટાર્કે ત્રણ વિકેટ ઝડપી હતી. આ સિવાય જોશ હેઝલવુડ અને પેટ કમિન્સને બે-બે વિકેટ મળી હતી. જ્યારે કેપ્ટન રોહિત શર્માએ શાનદાર ઇનિંગ રમી હતી અને માત્ર 31 બોલમાં 47 રન બનાવવામાં સફળ રહ્યો હતો. આ ત્રણ બેટ્સમેન સિવાય ટીમ ઈન્ડિયાનો કોઈ અન્ય બેટ્સમેન એવું પ્રદર્શન કરી શક્યો નહીં જેના કારણે ટીમ માત્ર 240 રન જ બનાવી શકી.
ફાઈનલ મેચમાં ભારતે આપેલા 241 રનના ટાર્ગેટનો પીછો કરવા ઉતરેલી ઓસ્ટ્રેલિયન ટીમની શરૂઆત ખરાબ રહી હતી અને ટીમની પ્રથમ 3 વિકેટ માત્ર 47 રનમાં જ પડી ગઈ હતી. પરંતુ આ પછી ઓપનિંગ બેટ્સમેન ટ્રેવિસ હેડ અને માર્નસ લાબુશેને શાનદાર ભાગીદારી કરી અને ઓસ્ટ્રેલિયાએ 6 વિકેટે મેચ જીતી લીધી. ઓસ્ટ્રેલિયા માટે ટ્રેવિસ હેડે શાનદાર સદી રમી અને 137 રન બનાવ્યા. જ્યારે લાબુશેન 58 રન બનાવીને અણનમ રહ્યો હતો. ટીમ ઈન્ડિયા તરફથી જસપ્રીત બુમરાહે 2 અને મોહમ્મદ શમીને 1 વિકેટ મળી હતી.
નોંધનીય છે કે આ મેચમાં રોહિત શર્માએ ભારે મૂર્ખતા દાખવી હતી. પહેલા, પોતે બેટિંગ કરતી વખતે, તેણે હાસ્યાસ્પદ શોટ રમ્યા અને હંમેશની જેમ, વિકેટ ફેંકતા ગયા. આ પછી, તેણે ફરીથી સૂર્યાને પ્લેઇંગ 11માં તક આપી, જે અત્યાર સુધી ફ્લોપ રહ્યો છે. સૂર્યાની જગ્યાએ શાર્દુલને તક આપવામાં આવી શકી હોત. આ સાથે બોલિંગ કરતી વખતે તેણે નવો બોલ શમીને આપ્યો, જે અત્યાર સુધી જૂના બોલથી બોલિંગ કરી રહ્યો હતો. રોહિતના આ નિર્ણયોને કારણે ભારતનું 12 વર્ષ જૂનું સપનું અધૂરું રહી ગયું.
